«Интернеттегі қауіпсіздік»
- Толығырақ
- Категория: Жаңалықтар
- Жарияланды Сәрсенбі, 28 Мамыр 2025 02:02
- Автор: Super User
- Қаралды: 10
2024 жылдың 28 мамыры күні Балаларды қорғау күніне арналған іс-шаралар жоспарына сәйкес «Интернеттегі қауіпсіздік» тақырыбында цифрлық сауаттылыққа қатысты сессия өткізілді. Іс-шараға осы салада тәжірибесі бар маман Түлебаева Ж. шақырылды.
Мақсаты — тәрбиеленушілерге интернетте қауіпсіз жүріс-тұрыс қағидаларын түсіндіру, онлайн қауіптерді тануға үйрету, желідегі сыпайы қарым-қатынасқа және жеке деректерге жауапкершілікпен қарауға баулу.
Іс-шара интерактивті форматта өтті. Балаларға ұсынылды:
- «Интернет қауіпсіздігінің 5 алтын ережесі» атты презентациямен шағын дәріс,
- киберқауіпсіздік туралы қысқаметражды анимациялық фильмді тамашалау және талқылау.
Сонымен қатар, балалар фишинг, кибербуллинг, вирустар және олардан қалай сақтануға болатыны жайлы білді. Сенімді құпиясөздердің, жеке мәліметтерді қорғаудың және әлеуметтік желілердегі қарым-қатынас ережелерінің маңыздылығы айтылды.
Іс-шара соңында қатысушылар алған білімдерін тақырыптық тапсырмалар арқылы бекітті. Барлық балаларға интернетті қауіпсіз пайдалану бойынша қарапайым әрі түсінікті ережелер жазылған жадынамалар таратылды.
Іс-шара өте белсенді өтті және балалардың зор қызығушылығын тудырды.
#Қазақстанбалалары